مع كتر التليفونات وتقارب الأسعار تحت ٥٠٠٠ جنيه الاختيار بقى صعب جدا
هقولك احسن حاجة ب ٢١٠٠ هو الريلمي C3
طب ما تزود ٢٠٠ وتجيب الريلمي ٥ احسن
خلاص قررت تزود وتحسب الريلمي ٥
طب ما تزود كمان ٢٠٠ وتحيب الريلمي 6i
قربت خلاص من ال ٣٠٠٠ جنيه
انت خلاص دخلت الفئة المتوسطة زودلك ٤٠٠ جنيه مش كتير
عندك الريلمي ٥ برو والشاومي نوت ٨ برو
وصلت ل ٣٥٠٠ خلاص كفاية
عشان متدخلش في الدوامة دي وانت بتشتري لازم تحدد انت محتاج التليفون لايه بالضبط ولو استقريت على تليفون خلاص فكك من باقي المغريات لانك فعلا مش هتخلص
طيب لحد الربع ده من السنة لو انت حابب تشتري تشتري إيه ؟!
ملحوظة :- الكلام ده رأي شخصي مش أكتر
أولا :- ب ٢٠٠٠ جنيه أحسن حاجة realme C3
ثانيا :- ب ٢٥٠٠ ال realme5
ب ٢٧٠٠ ال realme 6i
خلصنا من الفئة الإقتصادية وزي ما احنا شايفين ريلمي واكلاها خالص
نيجي للمتوسطة
- من ٣٠٠٠ ل ٤٠٠٠ عندك موبايلين
١- realme 5 pro 4 ram
٢- Xaomi Note 8 pro 64 GB
- من ٤٠٠٠ ل ٥٠٠٠ جنيه عندك realme 5 pro و Samsung A51
- طبعا استبعدنا هواوي وهونر عشان حوار خدمات جوجل لو مش فارق معاك الحوار ده فعندك ال Nova 7i ب ٤٢٠٠ ممتاز و honor 9x
- من ٥٠٠٠ ل ٦٠٠٠ عندك ال realme XT و Mi 9T و oppo reno 2F بس احنا بنفضل ال XT
- الفئة اللي فيها موبايلين الاتنين متقاربين واختيارك انت على حسب تفضيلك لشركة معينة او سوفت وير
- طبعا في كل فئة سامسونج مشاركة بموبايل او اكتر لكن اغلبهم مش اد المنافسة والاعتماد على اسم سامسونج
- الكلام ده زي ماقلنا لحد الربع ده بس لأن الربع الحاي هتنزل تليفونات احسن زي ريلمي ٦ و شاومي نوت ٩
نتمنى نكون أفدناكم
قولنا بتفضل تليفون ايه في التعليقات تحت
وشكرا
تعليقات
إرسال تعليق